Артықшылықтар
Біздің компания 15 жылдан астам уақыт бойы мұнай өңдеуге арналған мұнай кәсіпшілігі химиясы мен мұнай өңдеу химиясы нарығының көшбасшысы болып табылады. Біз Қазақстан Республикасының мұнай-газ индустриясы үшін ең озық әлемдік технологиялардың провайдерлері болып табыламыз. Компанияның портфолиосында түрлі химиялық реагенттердің 200-ден астам түрі бар. Біз минералды тұздардың түзілімдерімен, коррозиямен, газ гидраттарымен, суды дайындаумен, күрделі эмульсиялармен болсын немесе тапсырыс берушінің объектілеріндегі микробиологиялық белсенділікті бақылау мәселелері болсын, кез келген күрделі мәселені шеше аламыз. Компаниямыздың білікті инженерлері ең озық мониторинг техникасы мен әдістемелерін пайдалана отырып, тапсырыс берушілер үшін мониторингтік және консультациялық қызметтер көрсетеді. Тек біздің компания ATP ең озық технологиясы бойынша микробиологиялық белсенділікке мониторинг, дәстүрлі гравиметриялық тәсілдермен де, коррозия процестеріне қоршаған ортаның әсерін жан-жақты зерттеу үшін ER бақылау жүйесімен де мониторинг жүргізе алады. Біздің арсеналда мониторингтің көптеген озық әдістемелері бар.
Біздің аккредиттелген зертхана базасында Қазақстан Республикасының нарығы үшін химиялық реагенттерді әзірлеуге арналған жеке R&D орталығы жұмыс істейді. Компания штатында химия саласында магистрлік және PhD дәрежесі бар мамандар қызмет етеді. Біздің компания өз тұтынушылары үшін елімізде әзірленген бірегей және патенттелген өнімдерге ие.
Біз 150 000 тоннадан астам арнайы мақсаттағы өнім өндіріп, жеткіздік және мұнай-химия нарығын барынша тиімді өнімдермен қамтамасыз ету өндірісін кеңейтуді жоспарлап отырмыз. «РауанНТех» ЖШС қызметкерлеріміздің жұмыс қауіпсіздігі мен денсаулығына үлкен көңіл бөледі. Компания жұмыс істеген барлық уақыт ішінде бірде-бір жазатайым оқиға тіркелмеген және бүгінгі таңда компанияның қауіпсіз жұмыс статистикасы 3 500 000 адам-сағаттан асады
Осы факторлардың барлығы біздің компанияға ғылымның, тиімділік пен қауіпсіздіктің алдыңғы қатарында болуға мүмкіндік береді. Дәл осы элементтердің қорытпасы компанияны Қазақстан Республикасы нарығының көшбасшысына айналдырды.