Артықшылықтар
Біз тапсырыс берушілерімізге қаражатты үнемдеу және қоршаған ортаны жақсарту, сондай-ақ табиғи ресурстарды жалпы тұтынуды қысқарту арқылы екі ресурсты да тиімді пайдалануға көмектесу үшін су мен энергияны пайдалану саласындағы тиімді шешімдердің тәжірибесін жинақтаудамыз. Біз табиғи ресурстарды оңтайландырамыз және теңдессіз технологиялық шешімдер есебінен әл-ауқатты арттырамыз, сондай-ақ қоршаған орта мен экономика арасында тепе-теңдік құруға үнемі ұмтыламыз.
Қоршаған ортаны, біздің қызметкерлеріміздің, тапсырыс берушілеріміздің және біз тұратын және жұмыс істейтін қоғамның еңбегі мен денсаулығын қорғау компанияның ең басым міндеттерінің бірі болып табылады. ChampionX компаниясы компанияның әрбір қызметкері мен мердігері түсінетін, қолдайтын және іс жүзінде орындайтын еңбекті, денсаулықты және қоршаған ортаны қорғау мәселелерін басқару жүйесін енгізді. Жүйе көрсеткіштерді өлшеу, қайта қарау және жақсарту рәсімдерін қоса алғанда, еңбекті, денсаулықты және қоршаған ортаны қорғау саласындағы міндеттерді айқындауда және табысты орындауда маңызды рөл атқарады.
Көптеген далалық және өндірістік объектілерде, сондай-ақ компанияның штаб-пәтерінде енгізілген жүйе ISO стандарттарына және Responsible Care® бастамасына сәйкес сертификатталған. Қоршаған ортаны, сондай-ақ біздің қызметкерлеріміздің, тапсырыс берушілеріміздің және халықтың денсаулығы мен қауіпсіздігін қорғау біздің басты қағидаларымыздың бірі. ChampionX компаниясы сондай-ақ қауіпсіздік, денсаулық және қоршаған ортаны қорғау көрсеткіштерін жақсарту мақсатында химия өнеркәсібі өндірушілерінің дүниежүзілік ерікті бастамасы Responsible Care® бастамасына қатысады.
Біздің тапсырыс берушілерге техникалық, экономикалық және экологиялық тұрғыдан тұрақты шешімдерді ұсыну біздің қызметтеріміздің ажырамас бөлігі болып табылады. 1920-шы жылдардағы қазандық суды тазартуға арналған алғашқы Nalco жүйелері қазандықтардың қауіпсіз және тиімді жұмыс істеуіне арналған болатын. Ал біздің жаңа бағдарламаларымыз бен химиялық өнімдеріміз бүгін де осы міндетті орындап, тапсырыс берушілерімізге су мен энергияны үнемдеуге, сондай-ақ олардың қызметкерлері үшін қауіпсіз жұмыс жағдайларын қамтамасыз етуге мүмкіндік береді.
Біздің техникалық қолдауымыз тапсырыс берушілердің тұрақты дамуға өсіп келе жатқан қызығушылығы тұтынушылардың өндірісті жауапты басқаруға өсіп келе жатқан талаптарына, сондай-ақ қосымша нормативтік талаптарға негізделген.
Біз тапсырыс берушілерімізге келесі әлеуметтік артықшылықтарды қамтамасыз ете отырып, біздің барлық ұсыныстарымыз есебінен өздерінің экологиялық көрсеткіштерін жақсартуға көмектесуге бірегей мүмкіндігіміз бар:
- Таза су мен ауа;
- Өндірісте және басқа да процестерде суды тұтынуды төмендету, қайта өңдеу және қайта пайдалану есебінен таза су алудың қосымша мүмкіндіктері";
- Энергия пайдаланудың тиімділігін арттыру есебінен парниктік газдар шығарындыларын азайту;
- Қатты қалдықтар көлемін және қауіпті материалдарды пайдалануды қысқарту.
Американдық химиялық кеңестің (ACC) мүшесі бола отырып және Responsible Care® бастамасына адалдығын сақтай отырып, ChampionX Компаниясы бірінші кезекте өзінің қызметкерлерінің, тапсырыс берушілерінің және халықтың денсаулығын қорғау және қауіпсіздік шараларын қамтамасыз ету маңызды деп есептейді.
Responsible Care бастамасының бағыттарының бірі ретінде Халықаралық химиялық қауымдастықтар кеңесі (ICCA) Өнімнің жаһандық стратегиясын (GPS) құрды. GPS стратегиясы өнiмнiң өмiрлiк циклiнiң барлық кезеңдерiнде оның сапасын басқару туралы қысқаша мәлiметтердi әзiрлей отырып, барлық химия өнеркәсiбiнде өнiмнiң сапасын басқаруды жетiлдiруге, сондай-ақ қоғамды коммерциялық мақсаттарда өндiрiлетiн барлық химиялық өнiмдердiң қолданылуы, қауiптiлiгi мен қатерлерi туралы хабардар етуге бағытталған.