Кез келген мұнай кәсіпшілігінің ең басты мақсаты мұнайды қабат суынан арылту және мұнай-су эмульсиясын бұзу жолымен басқа да механикалық қоспаларды тазарту болып табылады.
Бүгінгі күні тауарлық мұнайды дайындаудың бірде-бір процесі деэмульгаторды қолданбай жүрмейді және дұрыс таңдалған деэмульгатор мұнай эмульсиясының үздіксіз бұзылу процесін қамтамасыз етеді, уақыт пен ресурстарды үнемдейді.
Деэмульгатор - су мен мұнайдың қосылуынан пайда болған эмульсиялардың тұрақты бұзу үшін қолданылатын мамандандырылған реагент. Мұнайды тұзсыздандыруда және сусыздандыруда деэмульгатордың рөлі эмульсия бөлшектерінің үстіңгі қабатына ену және онда бар табиғи тұрақтандырғыштарды ауыстыру немесе ығыстыру болып табылады. Осылайша, деэмульгаторлар беттік кернеуді өзгертеді және эмульсия бұзылады.
Деэмульгаторлар жеке ерекше мәселелерді шешуге мүмкіндік береді:
- эмульсияны бұзу;
- тұзсыздандыру;
- қабат суын тазарту;
- механикалық қоспалардан құтылу;
- құбырлардың өткізу қабілетін арттыру;
- мұнайды төмен температурада өңдеу және т.б.
«РауанНтех» ЖШС мамандары Тапсырыс берушінің өндірістік объектісінің нақты міндеттері мен техникалық шарттары үшін деэмульгаторды тиімді таңдаудың мол тәжірибесіне ие. «Рандем» маркалы мамандандырылған деэмульгаторлар желісі Қазақстан Республикасының көптеген мұнай-газ кен орындарында табысты тәжірибелік-өнеркәсіптік сынақтардан өтті және қазіргі уақытта мұнайды дайындаудың және қажетті сапа көрсеткіштеріне жеткізудің үздіксіз процесін қамтамасыз ете отырып, сәтті қолданылуда.