Компания туралы

«РауанНТех» ЖШС — отандық химиялық реагенттер нарығында көшбасшы болып табылатын, мұнай-газ өнеркәсібі үшін химиялық реагенттердің ірі қазақстандық өндірушісі.

«РауанНТех» ЖШС - бұл қарқынды дамып келе жатқан, жоғары технологиялық химиялық кәсіпорын, оның өндірістік цехті, қойма үй-жайларын, шикізат пен дайын өнімді сақтауға арналған сыйымдылықтарды, заманауи сынақ зертханасын, қажетті инфрақұрылыммен қамтамасыз етуге арналған қосалқы тораптарды қамтитын жеке өндірістік кешені бар.

Компанияның негізгі мақсаты – компания клиенттеріне жоғары сапалы сервис ұсыну үшін тұрақты компания құру және кәсіпорын жұмысының сапасын ұдайы жақсарту.

Шығарылатын өнім ассортиментінде - жүзден астам атаулар бар. Компанияның тауар номенклатурасының негізін:

• деэмульгаторлар;
• коррозия ингибиторлары;
• тұзды шөгінділер ингибиторлары;
• бактерицидтер;
• депрессорлық қоспалар;
• өртті сөндіруге арналған көбік түзгіштер құрайды.

Қазақстан Президентінің «Алтын Сапа» сыйлығының иегері, «ҚазМұнайГаз» ҰК АҚ Ең ірі жеткізушісі, «Қарашығанақ Петролиум Оперейтинг Б.В.» қауіпсіздік саласындағы үздік мердігер.

Компанияның технологиялық дамуының негізгі кезеңдері:

2006 жыл– «РауанНалко» ЖШС құрылуы; 

2008-2009 жылдар – тапсырыс берушілермен алғашқы ірі келісімшарттар жасасу; 

2010 жыл – жаңа зауыт құрылысының басталуы; 

2011 жыл – жаңа зауыт құрылысының аяқталуы; 

2017 жыл – "Өндірістік мақсаттағы үздік кәсіпорын", ірі кәсіпкерлік субъектісі ретінде сапа саласындағы жетістіктері үшін Қазақстан Республикасы Президентінің "Алтын Сапа" сыйлығын алу; 

2023 жыл - "РауанНалко" ЖШС атауының "РауанНТех" ЖШС болып өзгертілуі.